Search and retrieval lisod kun dagko ang bawod

CEBU, Philippines - Gihunong sa makadiyot ang search and rescue/retrieval operation kagahapong adlawa tungod sa kakusog sa bawod sa kadagatan sa dakbayan sa Talisay. Matud pa ni Provincial Disaster Risk Reduction and Management Niel Sanchez peligroso alang sa mga sakop sa divers sa Philippine Coastguard ug sa mga technical divers ang pag-dive sa dautang panahon.

Hinuon, ang operasyon batok sa oil spill gipadayon bisan pa man sa mga pagbalod.

Ang coastguard mi-spray og chemical dispersants ngadto sa dagat nga dunay naglutaw nga krudo gikan sa nalunod nga M/V St. Thomas Aquinas nga nabanggaan sa Suplicio Express 7 niadtong Biyernes sa gabii diha sa Lawis Ledge.

Nasayran nga ang barko nahimutang sa 120 feet nga gilawmon sa Lawis Ledge ug giingong sulog ang dagat sa ilawom maong mas lisod pa sa mga divers mosungasong kung dagko ang balod. (BANAT NEWS)