Pope Francis nasubo sa lawis ledge sea mishap

CEBU, Philippines - Si Pope Francis mipaabot sa iyang kasubo ngadto sa mga biktima ug pamilya panagbangga tali sa MV St. Thomas de Aquiñas ug Sulpicio Express Siyete diha sa Lawis Ledge sa bukana sa Mactan Channel dinhi sa Sugbu niadtong Biyernes sa gabii.

Ang Balaang Santo Papa mipaabot sa iyang pahasubo pinaagi sa telegrama ngadto kang Cebu Archbishop Jose Palma, pinaagi ni Cardinal Secretary of State, Tarcisio Bertone, nga gisibya sa Vatican Radio website.

“His Holiness Pope Francis was deeply saddened by the tragic loss of life resulting from the ferry boat accident off the central port of Cebu. He assures all affected of his closeness in prayer and commends the victims to the loving mercy of Almighty God. The Holy Father invokes divine strength and comfort upon the grieving families, the injured and those involved in the rescue efforts,” matud pa sa telegrama.

Samtang si Monsignor Esteban Binghay, the Episcopal Vicar sa Archdiocese of Cebu, nagkanayon nga ang nahitabo usa ka wake-up call sa tanan nga magmatngon gyud ilabi na kung kinabuhi na ang hisgutan.

Matud pa niya nga dili kini binuhatan o pagbuot sa Ginoo kundi tinuyuan sa tawo.

“Wake-up call ni for all of us, maka-learn unta og leksyon ani nga panghitabo. Kinahanglan gyud extra careful, kay kinabuhi sa ubang tawo ang ilang gidala. Kinahanglan mapanalipdan nato ang ubang tawo,” matud pa ni Binghay.

Iya pod nga giawhag ang tanan sa pag-ampo sa mga biktima ug sa ilang pamilya.

“Atong i-ampo ang mga nangamatay na ug ang pamilya sa mga nangamatay nga mopadayon sila sa ilang mga gimbuhaton ug makabaton og kusog nga mo-survive despite sa nahitabo sa ilang mga minahal sa kinabuhi,” niya pa. (BANAT NEWS)