Asa ang mga kapitan?

CEBU, Philippines - Nunot sa aksidente tali sa MV St. Thomas de Aquianas ug MV Sulpicio Express Siyete, migawas ang mga pangutana kun hain na ang duha ka mga kapitan sa maong mga barko. Ang Maritime Industry Authority (MARINA) mipasuspenso na sa tanang mga barko sa 2GO Shipping Lines ug Philippine Span Asian Carrier (PSAC) alang sa maritime safety inspections sa miaging adlaw.Si Cebu Coast Guard chief Commodore William Melad  miingon nga wala pa nila makahinabi ang duha ka kapitan sa maong barko nga silang Capt. Reynan Bermejo kinsa kapitan sa barkong MV St. Thomas Aquinas ug Capt. Rolito Gillo sa MV Sulpicio Express Siyete. Base sa impormasyong iyang nadawat,  anaa sa kustodiya sa ilang mga kompanya ang duha uban sa ilang mga crew ug gipahibalo na silang daan nga kinahanglang ipresentar sila kun sugdan na ang imbestigasyon. Matud pa ni Melad nga aduna gyuy kalapasan ang usa sa mga barko nga wala mituman sa maritime safety laws. “Human error” ang gituohan niyang hinungdan sa aksidente.

“Miscommunication or non-observance of rules... If I say that would be speculation. The rules required there should be a right distance between them, we should consider the limitation of space, there is only a narrow passage of 600 yards of nautical miles for each vessel to pass," pasabot pa ni Melad. (BANAT NEWS)