Oil Spill Sa Dagat

CEBU, Philippines - Nabutang karon sa peligro lakip na ang panginabuhian sa mga gagmay’ng mananagat tungod sa pag-awas sa lana gikan sa nalunod nga MV St. Thomas de Aquinas diha sa Lawis Ledge.

Si Commodore William Melad, PCG Central Visayas District Commander mibutyag sa gipahigayong press conference kagahapon sa buntag  nga dunay oil spill silang nasigpatan sa Cordova ug dakbayan sa Lapu-Lapu.

Oil leak

Matud ni Melad nga duna nay gipahigayong oil dispersal operation diin tinguha usab nilang masirad-an ang buslot diin miawas ang oil leak. Giingong mikatag na sa dagat padung sa dakabayan sa Lapu-Lapu ug lungsod sa Cordova nga gibana-banang tulo kilometro ang gitas-on ug tulo ka metros ang gilapdon.

"Our efforts now is to conduct dispersal operations, using chemical disperants.

The dispersant introduced to the oil to loosen oil, it would be easy for it to disperse naturally, molecules loosen, the effects of wind, waves naturally evaporation would naturally dissolve, we prevent it from reaching sensitive areas" matud pa ni Melad.

Lapulapu mi-deploy og “chorizo”

Si Lapu-Lapu City Mayor Paz Radaza nakigtigom na sa mga sakop sa crisis committee sa siyudad uban sa nagkadaiyang mga representante sa mga resorts aron solusyonan ang hulga sa ilang panginabuhian.

Gi-deploy na sa siyudad kagahapon ang duha ka kilometrong improvised oil-spill boom nga ginama sa recycled materials gikan sa Material Recovery Facility sa siyudad nga gitawa nilang “chorizo.”

Kini gamiton sa  himuong coastal clean-up.

“I urged our coastal residents, should you notice  any oil sheen report it to your barangay. You can also help by making your own improvised oil sheen sweeper. Your city government is on top of the situation,” matud pang Radaza. Gimandoan usab ni Radaza ang nagkadaiyang tagdumala sa mga resorts nga sila nay magbuot kung angayan ba nilang palangoy-langoyon ang ilang mga guests sa dagat ning mga panahona.

Si Board Member Thadeo Ouano, tsirman sa komitiba sa kalikopan sa Hunta Probinsyal miingon nga ilang gitun-an karon kung unsay matabang sa maapektahan unyang mga mananagat.Si Mayor Adelino Sitoy nagkanayon nga ang gikabalak-ang maapektahang barangay mao ang barangay Alegria, Catarman, Poblacion, Buagsong ug Day-as. Gibantayan usab sa maapektahan mao ang barangay Bangbang ug San Miguel.

Pagkaon og seafoods, isda

Samtang nabalaka si Cebu City Mayor Michael Rama sa posibleng epekto sa oil spill. Ang mayor, uban ni Bise Mayor Edgardo Labella ug Konsehal Dave Tumulak personal nga milayag ngadto sa Lawis Ridge inubanan sa mga opisyales Philippine Coast Guard (PCG) Cebu Command Center. Si Rama mimando ngadto sa city health department sa pag-coordinate sa

Department of Health aron sa pagsusi kung kinahanglan bang did-an una ang mga tawo sa  pagkaon og isda o sea foods nga gikan sa kadagatan sa naapektohang mga lugar. “DOH should be aware. Our city health officer Dr. Stella Ygonia should coordinate with DOH. Once proven that there’s too many oil, it should be destructive,” matud ni Rama.

140 toneladang krudo ug bunker oil

Si PCG Cebu Commander Weniel Azcuna mikumpirmar sa oil spill gikan sabarkong nalunod nga dunay 20 ka toneladang diesel ug 120 toneladang sa bunker fuel.

Ang hepe sa Waterfront Police Station, Chief Insp. Wildemar Tiu kinsa usa usab ka piloto mitug-an nga sa ilang aerial inspection naabot na ang oil spill sa lungsod sa Cordova.

“PCG Lieutenant Commander Dino Garcia and Achilles Acedillo and Tiu (Wildemar) conducted aerial reconnaisance together with Marine Environmental.

Protection Command CPO Albert Arandia and Seaman 1st Kelvin Acuino monitored the oil spill spreading from Light Station of Lawis Ridge to Mangrove Cordova North direction with 3 sq km spread,” matud ni Tiu.

Ang Philippine Navy naghimo usab og underwater reconnaissance kagahapon sa buntag isip pagpangandam sa retrieval dive. Brenda D. Batuto, Lesley Caminade, Romeo Limpangog, Jessa Chrisna Agua/EIM (BANAT NEWS)