Libudsuroy gipusil sa mata patay

CEBU, Philippines - Usa ka lalaking libudsuroy ang napalgang patay nga dunay samad pinusilan sa mata daplin sa dalan sa bukirang bahin sa barangay Pawa sa lungsod sa Dumanjug niadtong Huwebes sa alas 5:30 sa hapon.

Ang biktima nga wala pa mailhi sa kapulisan sa paghimo ning balita gihulagway gibanabanang 30 ngadto sa 35 –anyos ang panuigon, 5’4 ang gitas-on ug nagsuot og shorts nga puti ug pula nga t-shirts.

Matud ni PO2 Ramon Chinel sa Dumanjug Police Station dihang nahinabi sa Banat News nakit-an pa sa mga residente ang biktima nga nangayo og pagkaon sa kabalayan.

Gituohan sa kapulisan nga natripingan ang biktima.  (/EIM) (BANAT NEWS)