Agtang sa tiguwang naparok patay

CEBU, Philippines - Patay nang napalgan daplin sa dalan ang 74 anyos nga byudo nga  samdan  sa agtang didto sa barangay Guiwanon sa lungsod sa Barili niadtong Sabado sa alas 8:30 sa buntag.

Ang napalgang patay na mao si Rudy Fernandez Sosa, 74, byudo, nagpuyo sa maong lugar ug usa ka mag-uuma.

Si PO1 Ronnie Guzman sa Barili Police Station mibutyag  sa Banat News  nga si Sosa katapusang nakit-an alas 10:00 sa gabii sa usa ka tindahan nga nag- inusarang nag -inom.

Matud pa  adunay tanod nga miduol niini ug mitanyag pa nga ihatud sa ilang balay tungod kay hubog na kini.

Apan wala kini  mopatuo  hangtud nga dangtan  og  pipila ka oras nakahuna- huna kini  sa pagpauli nga nag-inusara.

 Apan   sa pagkabuntag nakit-an na lang kini sa mga tawo  nga nagbuy-od ug patay na   sa  daplin sa dalan.

Gisuwayan  pa unta  kini og tabang sa mga mirespondi nga mga polis pinaagi  sa  paghatud  ngadto  sa district hospital apan patay na.

Ang dakong  samad  sa  ulo  sa  biktima  gituohang  agi  sa  pagkaparok   niini  dihang natumba.

Ang kapolisan mirekomendar pagpa- autopsy sa  patay’ng lawas  aron matino ang hinungdan sa kamatayon niini. (BANAT NEWS)