Mga Martinez dili modagan sa ilang kaso

CEBU, Philippines - Giklaro sa abogado ni kanhi 4th District Cong. Clavel Asas Martinez nga ang iyang kliyente walay laraw nga modagan o kaha moikyas sa giatubang niyang kaso  nga  graft ug malversation of funds  sa Sandiganbayan.

Sumala pa ni Atty. Innocencio dela Cerna nga walay plano   ang  kanhi kongresista  sa pagbiya sa nasud aron makalingkawas sa nahisgutang  kaso.

Iyang gitumbok nga dili sibugan sa iyang kliyente ang maong kaso bisan pa man og padayon kining gipaminaw  karon sa Sandiganbayan kay nagtuo sila nga maabswelto ra gihapon sila sa maong asunto.

Gibuhian ni Atty. dela Cerna ang maong reaksyon dihang mitumbok ang  kadagkuan sa National Bureau of Investigation (NBI) nga bisan og gipasuspenso sa Sandiganbayan ang pagpatuman sa arrest warrant apan nagpabilin ang hold departure order batok  sa kanhi kongresista.

Siya miingon nga dako na og kahigayonan nga maabswelto sa maong kaso ang iyang kliyente tungod sa pagtugot sa Sandiganbayan nga   paminawon ang ilang omnibus motion sa pagpabasura sa maong kaso ug sa pagsuspenso sa pagpatuman sa arrest warrant hangtud nga mahuman ang hearing  niini sa Sandiganbayan.

Kini tungod kay lig-on ang ilang ipresentar nga mga ebidinsiya nga nagklaro nga walay kasaypanan ang iyang kliyente.

Nasayran nga gipasakaan og kasong graft ug malversation of  funds ang kanhi kongresista sa ika-upat nga distrito uban sa duha ka mga anak niini ug laing kaubanan tungod sa pagdeposito sa kongresista sa P10 milyones  nga pundo gikan sa  iyang Priority Development Assistance Fund (PDAF)  sa personal  niyang  bank account.

Apan  ang  maong  gahin  giingon  nga alang  unta     sa Girl Scout of the Philippines  nga  proyekto (/WC) (BANAT NEWS)