Mananaug sa gardening project gipasidunggan

CEBU, Philippines - Gipasidunggan sa kagamhanan sa dakbayan sa Mandaue ang   mga  mananaug sa gipasiugdahang indigay   bahin  sa gardening.

Ang  maong  proyekto  gipasiugdahan  sa barangay  nga  naglakip  sa tulo ka mga category nga  mao ang container gardening, backyard gardening ug highest number garden category kagahapon.

Kini  may  labot  sa ika-39 nga kasaulogan sa  Nutrition Month karong tuiga nga nagdala sa tema nga “Gutom at Malnutisyon Sama-sama Nating Wakasan.”

Ang mananaug alang sa Container gardening mao si Gregoria Rosialda sa barangay Paknaan, ikaduha si Welgina de Mira sa barangay Tipolo ug ikatulong mananaug usab si Santiago Lutchavez sa barangay Subangdaku.

Sa backyard gardening maoy midaug si Agripino Cuer sa barangay Tabok, ikaduha si Maximo Colina  sa barangay Subangdaku ug ikatulo usab si Moises Cantano sa barangay Casili.

Samtang sa highest number gardening category nga indigay maoy midaug sa unang ganti ang barangay Paknaan, ikaduhang ganti ang barangay Canduman ug ikatulo ang barangay Tabok .

Ang unang ganti nakadawat og P20,000 nga salapi, P15,000 ang ikaduha ug P10,000 usab ang ikatulong mananaug sa maong indigay.

Ang mga misalmot sa tulo ka mga kategoriya nga wala makadaug  nakadawat  usab og P2,000 ang matag usa kanila isip consolation prize.

Si Mayor Jonas Cortes ug Bise Mayor Glenn Bercede maoy mitunol sa maong  mga  ganti   nga gitambongan usab  sa mga sakop sa konseho ug mga kawani sa kagamhanan sa maong dakbayan. (/WC) (BANAT NEWS)