Line-up sa mga opisyal sa kapolisan sa Mandaue kompleto na

CEBU, Philippines - Gihulipan  na  sa  Mandaue City Police Office (MCPO)   ang  mga  kuwang  nila  nga  mga  opisyal   kay  gibalhin  og  destino sa  ilang  lugar, aron  maumentohan  sa ranggo.

Naglakip sa mga opisyal   nga gihulip  karon sa  MCPO mao si Police Superintendent Henry Binas ug  Senior Inspector Noeli Matunas nga maoy bag-ong acting chief sa Presinto 5 sa Opao Police Station.

Dugang nga mga opisyal sa kapolisan nga gidistino sa MCPO mao si Senior Inspector  Mercy  Villaro nga mao na usab ang nangulo sa women’s desk sa nahisgotang kuwerpo.

Samtang  si Senior Inspector  Allan Cuizon  gidestino usab sa Presinto isip acting chief  niini.

Si    Chief Inspector Samuel Romulo Panilagao nga nadistino kanhi sa MCPO sa   miaging  tuig dihang SPO3 pa  ang ranggo  niini,  nahibalik na usab sa MCPO ug mao na usab ang nahimong administrative chief officer sa nahisgotang kuwerpo.

Si  Superintendent Binas nga nahinabi sa Banat News miingon nga isip deputy chief sa MCPO mosuporta siya sa gipasiugdahang programa sa iyang labaw nga si  Senior Superintendent Petroneli Baldebrin nga maoy city director sa kapolisan sa maong dakbayan.

Si Senior Inspector Villaro sa iyang pamahayag miingon nga isip hepe sa  w omen’s desk mohimo  siya   og mga programa nga makahatag og kaayohan sa kababayen-an ug kabataan .

Kini  ilabi na sa mga tinun-an pinaagi sa pagbisita kanila sa matag lawak saringan sa mga tulunghaang publiko sa kabaranggayan. (/WC) (BANAT NEWS)