International Film Festival ilusad dinhi sa Sugbu

CEBU, Philippines -  Ang Cebu Chamber of Commerce and Industry inabagan sa mga nagkadaiyang international film makers ug local film makers mopahigayon og international documentary film festival dinhi sa Sugbu sa sunod nga buwan. Ang presidente ug executive director sa Cebu International Documentary Festival nga si April Dequito nagkanayon himuon ang maong festival karong Agosto 21 kutob sa petsa 24 sa mao gihapong bulan.

Gipaabot nga daghang mga international films ilabi na ang mga local independent filmmakers nga mosalmot sa maong kalihokan aron sila ma-expose  sa publiko.

Ang Creative Council of Cebu ug Ayala Center Cebu maoy usa sa mga motabang sa katumanan sa maong proyekto nga ikaduha nang higayon nga himuon dinhi sa Sugbu.

`Dili momenus kwarenta ka mga international documentary films ang mosalmot sa maong festival nga gipasalida sa 50 ka mga nasud sa kalibotan. (BANAT NEWS)