TESDA may bahin sa K to 12 program

MANILA, Philippines -  Ang  pagpatuman  sa K to 12 program  sa kagamhanan   may  purohan  nga  mohapit  una  og  eskuyla    sa  Technical Educational  and Skills Development Administration (TESDA)  ang  mga  kabus  nga  estudyante una  sila  mopadayon  sa   paglampos  og  kurso.

Kini  ang  gibutyag  ni Atty, Teodoro Pascua, deputy director general  of field operations  sa  TESDA  atol sa tulumanon  AGIO Forum  kagahapon  didto  sa Café  Laguna and Restaurant  ning  dakbayan  sa Sugbo.

Matud   pa  ni  Pascua  nga  ang  TESDA  maoy  usa ka ahensya  sa kagamhanan    dinhi  sa nasud  nga  nainila  na  kaayo  sa pagbansay  sa  mga  batan-on  ug  hamtong    nga tawo  sa  mga  industrial  ug  bokasyonal  nga  mga  kurso.

Mas gaan  alang  kanila  ang  pagsagop  sa maong  mga  kurso  nga kinabus  apan  dali  ra silang  makapag  og  trabaho.

Tungod  kay  gikinahanglan  nila  ang  diploma  sa mga  kurso  nga  dinagko,  inigsud  nila  og  trabaho  nga  bokasyonal  anha  na  sila  mopadayon  sa  pagkuha  sa kurso  nga  ilang    magustohan.  

Gibutyag  ni  Pascua  nga  sa  TESDA  anaa  ang  mga  tigbansay  nga  mga  hanas  sa matag  natad  sa trabaho  nga  gusto  sa tawo.

Nagkalainlain  ang  mga  kurso  nga  gitanyag  sa TESDA  ug  inila  ang  sertipikasyon  niini  bisan  sa  mga  kompaniya  sa gawas  sa nasud.

Kun  ang  usa  ka tawo  may  sertipiko  gikan  sa TESDA  bahin  sa  iyang  naabot  nga  kurso,  nagpasabot  nga  batid  siya  og  kaalam  niini,  busa  angay  siyang  saligan  sa trabaho  nga  iyang  aplayan.

Ang TESDA  nagtanyag  og mga  kurso  nga  industriyal, electrical, bokasyonal  , ug  uban  pa,  sumala  ni  Pascua. (BANAT NEWS)