12 finalists sa huniño gipaila
CEBU, Philippines - Gipagawas na sa Basilica del Sto. Niño ang 12 finalist sa the 7th Huniño “Huni Halad Alang Kang Señor Santo Niño†original songwriting contest nga ipahigayon karuing Agosto 27 sa Pilgrim Center sa maong simbahan.
Gikan sa 72 ka mga entries, mao kini ang napiling 12 finalists: “Managlahi Man Ang Pagtuo†ni Erwin Lirazan, “I’ll Always Turn To You†ni Eugene Tan ug Atty. Vicente Roco, “Mag-ambahan Sa Panaw Sa Pagtuo†ni Manolito Languido, “Ikaw Lamang O Sr. Sto. Niño†ni Rev. Fr. Lyndon Ruiz, “Santo Niño O’ Santo Niño†ni Dennis Martin ug Joseph Delima, “Santo Niño, Gasa Alang Kanamo†ni Niño James Bañares ug Virgilio Amistad, “Santo Niño, Among Manlalaban†ni Rommel Ambi ug Rev. Fr. Ponce Jed Bellones, “Sto. Niño, Batobalani Ka Sa Gugma†ni Medelito Baculpo.
Lakip sa mga napili mao ang “Ania Ako†ni Harold Jay Toreno ug Jundel Bacalso, “Santo Niño, Among Ginoo†ni Ritchie Gonzales, “Salamat Sa Iyo O’ Señor Sto. Niño†ni Mary Jane Saile ug “Batang Balaan†ni Godwin Monserate ug Justina Besin.
Matud pa ni Fr. Jonas Mejares, OSA, nga mao kini ang mga napiling mga kanta nga mamahimong magamit sa entrance song sa misa ug sa ubang parte sa misa ug nisubay kini sa tema nga “Journeying together in faith with Sto. Niñoâ€.
Ang Pilipinas Got Talent Season 4 champion nga si Roel Manlangit maoy special guest sa maong kompetisyon kauban ang kanhi Pinoy Dream Academy scholar Apple Abarquez ug si Fr. Mejares, nga mokanta usab isip mga guest performers.
Gawas sa trophies, ang grand prize winner makadawat og P50,000, ang second placer adunay P30,000 samtang ang third placer adunay P20,000.
Ang Best Interpreter makadawat usab og P10,000. Ang nalakip sa magic 12 finalists aduna usab P5,000 ug plaque.
Ang grand winner sa milabay’ng tuig mao sila si Ian Gerome Perpetua, ang lyricist ug si Kurl Francis Dedumo, ang composer, nga gititulohan og "Balaang Sto. Niño, Ang Giya Ko.†(BANAT NEWS)
- Latest
- Trending
