IBP pagahinan og P1 milyon sa dakbayan
CEBU, Philippines - Gisugyot ni Konsehal Gerardo “Gerry†Carillo nga gahinan sa dakbayan sa Sugbo og usa ka milyon ka pesos ang Integrated Bar of the Philippines (IBP) ingon man ang Public Attorney’s Office (PAO) aron magamit nila paghatag og “pro bono†nga serbisyo sa mga kabus.
Matud ni Carillo nga aron mahingpit ang pangalagad sa mga abogado ug dili na sakripisyohon ang mga kabus nga “litigants†nga modangop kanila, labing maayo nga abagan sa dakbayan ang IBP ug PAO.
Bisan og wala ibutang ni Carillo sa iyang resulosyon kun unsay gamitan sa mao nga salapi kun aprobahan kini sa dakbayan, apan dunay mga konsehal nga mitug-an nga mahimong gamiton kini sa IBP ug PAO paghatag og honoraryom sa ilang mga sakop.
Si Carillo kinsa usa ka abogado nagkanayon nga ang paghatag og “pro bono†kon walay bayad nga serbisyo-legal sa mga kabus magkinahanglan gihapon og mga gastohan ilabi na ang mga office supplies.
Matud ni Carillo nga ang mga abogado magkinahanglan usab og kawani nga moasikaso kanila sa pagpreparar sa ilang mga kaso nga gamiton paglaban sa mga kabus.
Ang sugyot hinuon ni Carillo wala dayon aprobahi sa mga kaubanan niya sa konseho kay naandan na nga basta maglambigit og dakung kantidad itugyan usa kini sa committee on budget and finance aron himoan og pagtoon.
Kun ang sugyot ni Carillo dili supakon sa iyang mga kauban, iduso kini sa mayor aron kapangitaan og salapi.
Apan matud ni Carillo nga adunay nasukip na nga budget karong tuiga nga ang dakbayan makahimo paghatag og tabang sa mga grupo sama sa IBP ug PAO. (BANAT NEWS)
- Latest
