Kuerks bar gisirad-an na sa cebu city hall
CEBU, Philippines - Gisirad-an na gyud kagahapon ang Kuerks Bar pipila ka oras human gipirmahan ni Mayor Michael Rama ang Closure Order niini.
Si Raquel Arce ug ang iyang mga sakop sa City Hall Clearing Team maoy mipatuman sa kamandoan sa mayor lapas ang alas dos sa hapon. Wala gayud magduha-duha si Mayor Rama pagpirma sa closure order human kini gisumiter didto sa iyang opisina ni City Attorney Gerone Castillo.
Base sa kamandoan nga gipirmahan ni Rama, tak-upan ang Kuerks Bar tungod kay nakalapas kini sa City Ordinance 1413 kay ang dapit nga iyang nahimutangan duol ra sa tunghaan.
Gawas pa niini, ang Kuerks Bar wala usab magbayad og buhis ug walay business permit.
Natribukar ang kahiwian sa Kuerks Bar human nga adunay 16-anyos nga naangol kaniadtong kaadlawon sa Hulyo 7 human kini gihapak og dakung bato ang iyang ulo atubangan sa maong imnanan.
Si Konsehal Gerardo “Gerry†Carillo maoy gipasanginlan nga mihapak og bato sa ulo ni John Niño Pugoy kinsa anaa pa karon sa ospital. Hinuon ang konsehal kusganong mihimakak niini apan giingong mitabang sa pagpatambal sa bata.
Matud ni Rama nga dili siya magduha-duha sa pagpirma alang sa pagsirado sa mga balay-patigayon nga makalapas sa balaud kun morekomendar niini ang City Legal Office. (BANAT NEWS)
- Latest
