Rama wa mabalaka sa overdraft nga P1 bilyon

CEBU, Philippines - Ang giingongoverdraft   nga  dul-an usa ka bilyon ka pesossa   kagamhanan  sa dakbayan  sa Sugbo wa makapabalaka  ni  Mayor  Michael  Rama.

Si  Rama  mitugyan  sa  mga  tubag  niini  ngadto  kang City Accountant Diwa Cuevas.

Sayo  niini   si State Auditor IV ug team  leader  sa  mga  auditor Cymbeline Celia Chiong Uy   sa  Commission  on  Audit (COA) misil-ing  sa  Cash and Current  Liability Accounts  sa dakbayan  sa tuig 2012  diin napanid-an  niini  nga  ang  siyudad  hayan  nga  maalakanse  og  dul-ang  usa ka  bilyon  ka pesos.

Kini  sa dihang  nakita  sa COA  ang  cash and balance  sa   siyudad sa naghinapos  ang  tuig  2012  nga  mikabat  lang  sa  P1,016,168,770  nga  kuwang  kaayo  sa  mga  obligasyon  sa  mga  bayranan  sa  mga  utang  niini.

Sa padayong  pagsusi  nga  gihimo  sa COA  nasuta niini  nga  ang  siyudad  may  mga  bayranan  nga  mokabat  sa P2.9 bilyones .

Gumikan  niini  maalakanse  ang  dakbayan  og  dul-ang P965,558,119, sumala  sa COA.

Hinuon  si  Cuevas  miingon  nga  may  mga  dawatonon  silang  buhis  nga  mahimo  ra  nga  ikadugang  sa ilang  kasamtangang  cash .

Usa  sa gisaligan  ni  Cuevas ,  mao  nga  ang  mga  bayranan  ning  dakbayan  dili  man  diha-diha  pabayran  busa  may  higayon  pa  sila sa pagpangolekta  sa dugang  buhis.

Hinuon  midugang  si  Cuevas  nga  lain  ang  kuwentada  sa COA  ning  ilang  gipakita  karon  nga  kabalaka  kay  sa paagi  nila  sa city  hall  sa pagkuwenta  sa  mga  dawatonong  buhis  niini  gikan  sa  mga  magbubuhis  nga  wala  pa  makabayad.

Gipasalig  ni Cuevas  nga  di  kaayo  bug-at  kining  maong  suliran  tungod  kay  ang  ilang  mga  obligasyon  makapaabot  ra  nga  maulian  ang  panudlanan  sa  kagamhanan  ning  dakbayan. (BANAT NEWS)