Babaye gikiha’g libel tungod sa gi-post sa Facebook
CEBU, Philippines - Tungod sa gi-post sa Facebook, usa ka babaye ang gikasuhan og libel sa Cebu City Prosecutor’s Office. Matud ni assistant city prosecutor Ricky Jones Macabaya nga nakakita siya’g igong basihan sa pagpasaka og kaso batok ni Ester Cuaycong human kini napakyas pag-submit sa iyang counter-affidavit.
Girekomendar ni Macabaya nga makapiyansa og P10,000 ang akusado alang sa iyang termporaryong kagawasan.Base sa complaint ni Shirly Vingson, residente sa Cebu City, nga niadtong Enero 8, 2013 human siya mipasaka og kaso batok sa akusado ngadto sa Bacolod Prosecutor’s Office niadtong 2012, iyang anak ug amigo niini niabli sa ilang Facebook ug nakita sa gipang-post sa akusado nga matud niya libelous.Matud niya nga gihinganlan siya’g “notorious swindler†ug uban pa nga nakadaot sa iyang pagkatawo.
Matud niya nagtuo siyang ang gibuhat sa akusado bunga lang sa kasuko niini ngadto kaniya. (Mylen Manto/EIM) (BANAT NEWS)
- Latest
