Kaso vs Kapitan ug Kagawad gibasura

CEBU, Philippines - Gibasura sa Office of the Ombudsman-Visayas ang kaso batok nila ni barangay captain Rogelio Resurreccion  ug councilman Joel Sable sa Suba, Cebu City human makitang walay igong basihan ang gipasangil sa kapulisan kaniya. Si graft investigation and prosecution officer Marie Fe Frances Seville-Ang nagkanayon nga napakyas ang  kapolisan sa pagprubar nga nakahimo og “gross neglect of duty and grave misconduct” ang maong mga opisyal.

Ang duha nagdumili pagpirma sa inventory form sa mga ebidensyang nakuha sa gihimong buy-bust operation diha sa 49-A, Magsaysay St., Barangay Suba.

Ang duha mirason nga wala sila mopirma niini tungod kay wala siya diha atol sa pagronda sa grupo nila ni Police Senior Inspector Henrix Bancoleta, Police Inspector Armando Labora, SPO2 Rudino Amistad, SPO1 Romeo Cabras Jr., PO3 Ricardo Baclayon Jr., PO3 Roehl Patalinghug, PO2 Dale Efe, PO2 Stephen Taneo, PO2 Neil Ryan Talie, PO2 Gil Orozco II ug PO1 Julius Codilla niadtong Marso 13, 2012 sa alas 11 sa gabii. Matud pa sa Ombudsman dili mahimong pugson pagpapirma ang usa ka opisyal sa mga imbentaryo sa anti-illegal drugs operations kung wala sila aktwal nga nakasaksi sa operasyon. (/EIM) (BANAT NEWS)