Enolpe gipatay sa kainom nga wala ilhi
CEBU, Philippines - Patay ang usa ka lalaki human kini unaya sa pagpusil sa iyang kainom niadtong Lunes sa hapon didto sa barangay, Tabunok, dakbayan sa Talisay.
Ang biktima giila sa mga polis nga si Edgar Enolpe, taga sitio Kasagingan, barangay Lawaan III, dakbayan sa Talisay .
Nakaangkon kini og usa ka samad pinusilan sa sentro sa iyang buko-buko nga hinungdan sa iyang kamatayon.
Base sa imbestigasyon ni SPO1 Edgar Causon nga sa wala pa pusila ang biktima may nakakita sa kriminal nga makaduha na mianha sa maong dapit.
Ang biktima ug ang wala hiilhing kriminal nag-inom pa kini sa sinugdan ug dihang nahurot na ang ilang giinom ang biktima mibarog aron mopalit og laing botelya sa ilimnong makahubog.
Ang kriminal giingong misunod kang Enolpe samtang naglakaw ug gigunitan sa maong kriminal ang abaga sa biktima ug dayon gipusil.
Human og pamusil giingong ang kriminal midagan paingon sa karaang merkado sa Tabunok.
Ang kapolisan nagpahigayon kini og follow-up nga imbestigasyon pagpiho sa motibo sa maong pagpamusil. (BANAT NEWS)
- Latest
