BFAR7 nag-selebrar sa ika -66 ka tuig
CEBU, Philippines - Ang Bureau of Fisheries and Acquatic Resources-7 (BFAR-7) bag-ohay lang miselebrar sa ika-66th nga anibersaryo niini sa miaging Hulyo 1 ning tuiga pinaagi sa pagtamud sa ilang nangaging mga opisyales ug usab retirees.
Matud pa ni Ma. Alma Saavedra, tigpamaba sa BFAR-7 nga ang usa sa mga gihatagan og dakong bili sa maong selebrasyon mao ang pagtamud sa ilang nangaging direktor pinaagi sa Memorabilia photo exhibit.
Gipadayag ni Saavedra nga atol sa maong selebrasyon nanghatag usab sila og recognition sa duha ka mga retirees nga sila si Dioscoro Abenido ug usab si Gil Magdadaro Jr.
Si Abenido usa ka aquaculturist ug usab officer in charge sa Regional Management, Regulatory and Law Enforcement section ug nga nagsilbi sa BFAR sulod sa 34 ka tuig.
Samtang si Magdadaro usa ka mag-uuma sa Central Visayas Multi Specie Nursery Demonstration and Training Center sa Calape, Bohol diin 33 ka tuig na siyang nagserbisyo sa maong buhatan.
Matud pa ni Saavedra nga gipaila usab ang 20 ka summer job staff sa BFAR lakip na ang mga Persons with Disabilities (PWD) sa maong kasaulogan.
Dugang pa ni Saavedra nga ang maong mga summer job personnel giapod-apod sa nagkalain-laing opisina sa BFAR.
Ang BFAR usa ka ahensya sa goberno ubos sa Department of Agriculture (DA) kinsa maoy responsable alang sa kalamboan, pagdumala ug konserbasyon sa nasudnong isdaan ug usab sa mga rekurso sa kadagatan. (BANAT NEWS)
- Latest
