Daanbantayan, Camotes maoy nagrabehan kang Gorio
CEBU, Philippines - Duha ka mga lungsod sa amihanang bahin sa Sugbu maoy nagrabehan sa pagsulod sa bagyong Gorio sa miaging Biyernes, Sabado ug Domingo sumala pa sa report sa Provincial Disaster Risk Reduction Management Council nga gi-sumitir kang Governor Hilario “Junjun†Davide III kagahapon.
Sa assessment nila PDRRMC head Neil Sanchez, ang bagyong Gorio niigo sa munisipalidad sa Daanbantayan ug sa Camotes Island.
Sa Sitio Suba, Barangay Talisay sa Daan Bantayan, pito ka balay nga duol sa mga sapa ang naguba human mag- flashflood niadtong June 29.
Ang mga balay gipanag-iya sa pamilyang Nilado Aranciado, Braulio Aranciado, Magno Bedolido Jr., Roberto Lepardo ug Eda Petalido.
Gibana-banang dul-an P60,000 ang kadaot nga gibilin sa bagyo, matud ni Sanchez.
Ang assessment sa PDRRMC naglakip sa report sa Philippine Coast Guard diri sa Central Visayas.
Nga nag-ingon sa baynte ka barko ang wala tugoting makalayag gikan sa Cebu maong natanggong ang 2,959 ka pasahero, wa sad makabiyahe ang duha de-motor nga bangka ug unom ka rolling cargoes niadtong June 30.
Wala hinuon naangol ug nasamdan niadtong bagyo. (BANAT NEWS)
- Latest
