3 cellphone sa gi-ambush nga Koreano susihon sa DFCL-7
CEBU, Philippines - Gisumitir na ang tulo ka mga cellphones sa Korean car dealer nga gipusil patay niadtong Sabado nga anaa na karon sa buhatan sa Digital Forensic Crime Laboratory-7 aron kuhaan og data nga gamiton sa imbestigasyon sa kapulisan sa Mandaue.
Ang duha ka i-phones ug usa ka ordinary nga cellphone pulos gipanag-iya sa biktimang si Yi Sung Jung narekober diha sa iyang sakyanan human siya gibanhigan sa dalan A.S. Fortuna sa Barangay Banilad. Si Chief Insp. Michael Virtudazo, hepe sa crime laboratory, mibutyag nga usa ra ka adlaw ang pagkuha sa files nga gikinahanglan gikan sa maong mga cellphones.
Si Virtudazo miangkon nga maglisod sila sa pagkuha og files sa i-phones ug smart phones apan aduna silay kahimanan alang niini kung gikinahanglan.
Si Sr. Insp. Ramil Morpos, hepe sa Police Station 5, matud pa nga mi-request sa buhatan ni Virtudazo sa pagkuha sa mga text messages sa wala pa ang nahitabong pagpamusil.
“They wanted the text messages to check the mastermind of the shooting incident,†matud ni Virtudazo.
Apan wala pa una mohatag og adlaw si Virtudazo kung kanus-a nila mabuksan ang files. Si Yi nga taga-South Korea, ug ang drayber niini nga si Sonny Ubal, 42, sakay sa SUV (ZLC 546) paingon sa dakbayan sa Sugbo dihang girakrakan sa duha ka wala mailhing tawo sakay sa motorsiklo. Si Yi nakaangkon og daghang samad pinusilan sa lawas samtang si Ubal samdan sa tuong kamot. Ang duha gidala sa Gullas Medical Center apan si Yi gideklarar kini nga dead on arrival.( /EIM) (BANAT NEWS)
- Latest
