Team Rama councilors wa hatagi og komitiba sa BOPK-dominated council
CEBU, Philippines - Nadismaya pag-ayo si Konsehal Mary Ann delos Santos nga siya ug si Konsehal Dave Tumulak nga mga alyado sa Team Rama wala gyud hatagi og katungdanan sa 23 ka komitiba sa Cebu City Council.
Sa upat ka konsehal nga alyado ni Mayor Michael Rama diha sa Konseho, bugtong si Konsehal James Cuenco ra maoy gitugyanan pagka tsirman sa Committee on Tourism.
Ang laing alyado sa Team Rama nga si Konsehal Nendell Hanz Abella gihimo lang ordinaryo nga sakop sa committee on education nga gipangulohan ni Konsehal Noel Wenceslao. Ang 23 ka lainlaing komitiba sa konseho gipangulohan sa mga alyado sa Bando Osmeña Pundok-Kauswagan (BOPK). Nagbagulbol si Konsehal Delos Santos kay matud niya walay eleksyon nga gihimo kagahapon atol sa ilang inaugural session.
Apan si Konsehal Gerardo Carillo nga alyado sa BOPK mipasabot nga ang sagad himoon sa mga konsehal mao ang pagpahigayon og caucus diin adto nila hukman kun kinsa ang tugyanan sa lainlaing komitiba. Gipasabot ni Carillo nga kun ang eleksyon anha nila himoa sa inaugural session molungtad kini’g dugay. Si Mayor Rama wala na kaayo mohatag og igong gibug-aton sa wala paghatag og katungdanan sa mga konsehal nga iyang alyado.
Bisan si Vice Mayor Edgar Labella mipasabot nga sa demokrasya gamhanan ang “majority†apan angay gihapon nga paminawon ang “minority.â€
Si Mayor Rama hinoon mipahibalo nga dunay mga konsehal nga hatagan niya og “executive function†sama sa pagsuperbisar sa mga departments sa City Hall.
Wala hinoon moklaro si Rama kun apil ba ang hatagan og executive functions nga mga konsehal nga alyado sa Bando Osmeña Pundok-Kauswagan. (BANAT NEWS)
- Latest
