Tindak Sugbu mipresentar sa kaayohan sa bisekleta
CEBU, Philippines - Aron ipakita ang ilang hugot nga pagsuporta sa bike lanes, nakigtagbo ang grupo sa mga volunteer biking students sa mga opisyal sa city hall.
Ang grupong Tindak Sugbo, usa ka kahugpongan sa mga mahiligon sa pagbiseklita mihimo og presentasyon mahitungod sa kaayuhan sa maong pisikal nga aktibidad.
Lakip sa ilang gikapulong mao ang Committee on Environment chairman Konsehal Nida Cabrera ug ang executive director sa City Traffic Management Office (CITOM) Atty. Rafael Yap. Ang ilang presentasyon giulohan nila og “Tindak Padulong sa Haruhay, Malungtaron ug Maangayon nga Sugbo†diin ilang gitataw nga panahon na aron ang Sugbo na usab ang makabaton og bike lanes.
Gituki sa maong grupo ang mga kaayuhan sa pagbisikleta ingon man ang ka importante nga dunay bike lanes lahi sa dalan alang sa mga de motor nga sakyanan.
Ang Tindak Sugbo makadaghan na mihimo og bike runs diin ilang subayon ang kadalanan sa dakbayan ubos sa lain-laing tema. Lakip niini mao ang mga eskwelahan, mga pampublikong merkado, inilang mga karaan nga edipisyo, ug uban pang makasaysayanong lugar libot sa dakbayan.
Ang dakbayan sa Sugbo, ingon man ang pribadong sektor, nagmalaumon nga mahatag sa Department of Transportation and Communication ang pinansyal ug teknikal nga tabang alang sa feasibility study sa bike lanes alang sa mga Sugbuanon. (BANAT NEWS)
- Latest
