Kaso batok sa rape suspect wa dawata sa Talisay
CEBU, Philippines - Ang piskaliya sa dakbayan sa Talisay wala modawat sa kasong gipasaka batok sa suspetsado sa pagdagit ug paglugos sa usa ka 16-anyos nga dalagita.
Kagahapon sa buntag ang mga sakop sa Anti-Human Trafficking Task Force mipasaka unta og kasong “consented abduction with rape in relation to Republic Act 7610†batok sa suspetsadong si Frederick Benedict Go diha sa Talisay City Prosecutor’s Office .
Apan matud ni Talisay City Prosecutor, Fiscal Marshal Rubia nga walay jurisdiction ang Talisay sa maong kaso diin sa pagbasa niya sa affidavit sa biktima wala kini elemento nga ang krimen diha mahitabo sa Talisay.
Matud ni Rubia nga giawhag niya ang mga polis nga adto ipasaka ang kaso sa proper venue o diin mahitabo ang krimen.
Ang kapolisan mipasaka sa maong kaso ngadto sa piskaliya sa dakbayan sa Naga. Kagahapon si Go uban sa iyang abogado nga si Atty. Edgar Seguerra gipresentar sa piskaliya.
Si Atty. Seguerra sa pakighinabi sa mga tigbalita nagkanayon nga nabantayan sa Talisay City prosecutor nga dili proper venue ang Talisay.
Kahinumduman nga si Go ang gipasanginlan sa dalagita nga usa sa midagit ug milugos kaniya sa milabay’ng semana diin ang maong insidente nahitabo kini ngadto sa dakbayan sa Naga. (/EIM) (BANAT NEWS)
- Latest
