Ulitawo namasol nalumos

CEBU, Philippines - Nalumos  ang usa ka ulitawo samtang kini nanagat sa kadagatan  sa barangay Guiwang sa lungsod sa Alcoy niadtong Biyernes sa 1:00 sa kahaponon.

Ang patay  nga  milutaw   sa dagat mao si Noel Mosqueda Sital, 36, ulitawo ug nagpuyo sa maong lugar.

Si PO1 Howard Maynopas sa Alcoy Police  Station mibutyag  sa Banat News nga  si Sital nakit-an   sa iyang  mga  kaubang  mananagat nga namasol   sa  mga walo ka metros ang gilay-on gikan sa baybayon   samtang  may lain  usab  nga  kauban  niini  apan  distansya  kaniya  ang  gilay-on.

Samtang nagpabatang si Sital sa  iyang  pasol, namatikdan niini nga  gikubitan  siya hinungdan  nga  iya kining  gisawom.

Apan  nakurat  nalang  ang  kauban  niini  kay  pipila ka gutlo  milutaw  si Sital  nga   wala nay panimuot.

Didto dali  kining gitabang ug giguyod paingon sa baybayon.

Tungod  kay  wala  na  magginhawa, gihatud dayon  ngadto  sa  Rural Health Center sa lungsod apan gideklarar nga patay na. Ang  kapolisan  mipasusi  pa  kun wala  bay  foul play  ang kamatayon   ni  Sital.  (BANAT NEWS)