Papa, 4 ka anak nadumbolan sa bus
CEBU, Philippines - Lima ka tawo ang naangol upat niini mga batang tinun-an sa elementarya human sila gidumbol sa Ceres bus samtang sila paingon sa eskuylahan kagahapon sa buntag diha sa highway sa barangay Bagacay sa lungsod sa Sibonga.
Giila ang mga nangaangol mao si Rolito Batol, 41, ug ang upat niya ka mga anak nga sila si Josua 11 anyos, Justin 10 anyos, James Harold 9 anyos ug Mark John, 8 anyos.
Padung unta ang manag-amahan Bahay Bagacay Elementary School aron moeskuyla luwan sa usa ka motorsiklo dihang gidumbol ang luyong bahin sa motor.
Ang drayber sa Ceres aircon bus mao si Raulabera, 48 anyos mitahan hinuon sa kapolisan human sa hitabo.
Matud ni SPO3 Marlon Cortes sa Sibonga Police Station walo ka metros ang gilagpotan sa tanang mga sakay sa motor.
Ang mga biktima gihatud sa Deiparine Medical Center ug maayo na lang nga dili grabe ang ilang naangkong mga samad. (Darrel Carumba/EIM) (BANAT NEWS)
- Latest
