Samsam kontento, Fernandez di mobalhin sa LP
CEBU, Philippines - Si Congressman-elect Gerald Anthony “Samsam†Gullas sa unang distrito sa probinsiya sa Sugbo mipadayag nga kontento siya nga si Talisay City outgoing mayor ug councilor-elect Socrates Fernandez dili motapon ngadto sa Liberal Party (LP).
Dunay mga katahap nga mitumaw nga si Fernandez posibleng motapon sa LP gikan sa Alayon, human kini motambong sa Thanksgiving Dinner sa maong partido nga gipangulohan ni governor-elect Hilario Davide III ug vice governor-elect Agnes Magpale sa milabay’ng Domingo.
Si Fernandez miimbitar usab kang Talisay City Mayor-elect Johnny Delos Reyes atol sa ilang sinemanang tigom tali sa mga department heads sa city hall.
Apan si Fernandez sa iyang bahin, mihimakak nga motapon siya ngadto sa LP.
Matud ni Fernandez nga aduna siya’y daghang higala sa LP bisan pa og nakaatbang niya kini sa politika sa milabay’ng eleksiyon.
Ang outgoing mayor nagkanayon nga natapos na ang eleksiyon.
Si Samsam sa iyang bahin, miingon nga nagtuo siyang dili i-abandonar ni Fernandez ang Alayon. (BANAT NEWS)
- Latest
