Bayle sa Independence Day karon

CEBU, Philippines - Iparada sa Central Command ang nagkadaiya nilang mga armas karong adlawa isip kabahin sa Independence Day celebration samtang ang City Hall dili usab magpabentaha kay iparada usab nila ang mga “heavy equipment” ug mga bag-o nilang sakyanan.

Alas-2 sa hapon sugdan ang parada gikan sa Fuente Osmeña ug taposon kini adto sa Plaza Independencia diin mohimo’g pakigpulong ang lider sa kahugpongan sa mga beterano sa ikaduhang gubat sa kalibotan.

Mga tinun-an sa high school ug kolehiyo sa pipila ka tunghaan pasalmoton sa parada.Sugdan ang pagsaulog sa Independence Day dinhi sa dakbayan sa Sugbo karong adlawa pinaagi sa usa ka “fun run” nga adto magsugod sa Plaza Independencia paingon sa Fuente Osmeña ug balik sa Plaza.Si Ricky Ballesteros nga executive director sa Cebu City Sports Center nga gitahasan sa pagdumala sa kalihukan sa Independence Day mibutyag nga ini’g kagabii, dunay “Bayle sa Sugbo” nga ipahigayon sa mga opisyal sa Cebu City Medical Center (CCMC) nga maoy gitahasan isip host.

Ang unang Independence Day gisaulog didto sa Cavite human ang bandila sa Pilipinas giisa ni Heneral Emilio Aguinaldo kaniadtong Hunyo 12, 1998 .  (BANAT NEWS)