Zaballero andam makig-alayon ni Garcia
CEBU, Philippines - Gipadayag sa bag-ong napiling sakop sa hunta probinsiyal sa Sugbo, Grecilda Sanchez-Zaballero, ang kaandam makigtrabaho sa bag-o usab nga napiling kongresista, Gwendolyn Garcia, kung kaayohan alang sa ikatulong distrito bisan managlahi sila og partido sa politika.
Unang gipadayag ni Zaballero ang kaandam usab nga makigtambayayong sa iyang uyoan nga si Bokal Alex Binghay nga iyang gitawag nga “Tito Alex†kinsa kaalyado ni Garcia.
Matud pa ni Zaballero nga pareho silang gihatagan og mandato sa katawhan maong wala siya kakita og rason nga dili sila magkasinabot sa trabaho.
“Kung ang kongresista nga gipili sa tersiro distrito would not think that way, kung para sa distrito ug gikinahanglan we can work together, if there’s any need to do so, I would be very much willing to tow the line,†matud pang Zaballero.
Hinuon dili kinahanglan nga siya ang mohimo sa pagpasiugda gawas lang kung gikinahanglan.
“We don’t have to like each other but we can at least work together for the common good, she doesn’t have to like me or don’t have to like her, we just have to hopefully get along somewhere, somehow,†nagkanayun si Zaballero.
Si Zaballero sakop sa Liberal Party samtang si Binghay ug Garcia sakop sa One Cebu Party. Gipilde ni Zaballero ang umagad ni Binghay nga si Bokal Caesar Ian Geronimo Zambo.
Si Zaballero anak ni anhing bise-gobernador Gregorio Sanchez Jr. nga ig-agaw ni Binghay.
Gipasakaan ni Zaballero og reklamong tax evasion sila si Binghay ug Zambo tulo ka adlaw sa wala pa ang niaging eleksiyon sa Mayo 13 apil si Kong. Pablo John Garcia kinsa napilde sa pagka-gobernador ubos sa One Cebu.
Giklaro ni Zaballero nga personal ang iyang pagpasaka sa reklamo ug walay labot ang ilang trabaho.
“I think that was on personal note, nothing to do with the district,†dugang ni Zaballero. (BANAT NEWS)
- Latest
