Mosyon ni Pe bahin sa isyu sa iyang residensya gibasura
CEBU, Philippines - Laing kapakyasan na usab ang natagamtaman sa Bando Osmeña Pundok Kauswagan (BOPK) human usa sa ilang mga kandidato nga wala makadaog sa pagkakonsehal ang wala tuguti sa Commission on Elections (COMELEC) en banc sa iyang hangyo partial motion for reconsideration.
Gi-deny sa Comelec ang gipangayong partial motion for reconsideration ni outgoing North District Councilor Augustus “Jun†Pe, apan hinuon tungod sa resulta sa eleksyon “moot and academic†nang dili na makabalik sa konseho sa pagkakaron si Pe.
Ang Comelec First Division midesisyon na niadto pang Pebrero nga kanselahon ang certificate of candidacy (COC) ni Pe tungod sa kapakyas niini pag-establisar sa iyang residency diha sa South District.
“Anent the issue on residency, we maintain the findings of the First Division that respondent failed to present a clear and positive proof that he abandoned his former residence and acquire a new one in the 2nd District of Cebu City,†matud pa sa lima ka pahinang resolution nga nagpalig-on sa initial rejection sa COC ni Pe.
Wala usab hatagi og bili sa Comelec ang gisumitir nga sertipikasyon ni Guadalupe barangay captain Michael Gacasan tungod kay dili kini paigong pagmatuod nga nagpuyo gyud si Pe sa maong barangay.
Apan kung nahitabo pang nakadaog si Pe, si BOPK chairman ug outgoing Congressman Tomas Osmeña miingon nga ilaha gyung ipasaka ang ilang mosyon ngadto sa Korte Suprema.
“Of course because residency, not term limit, was the issue. I personally can attest that Pe was and still is a resident in my barangay (Guadalupe),†matud pang Osmeña. (BANAT NEWS)
- Latest
