Team Rama nagpasalamat sa mga supporters
CEBU, Philippines - Tulo ka semana human sa eleksyon gihimo sa Team Rama ang ilang victory party nga susama og nagpista sulod sa Rama compound nga gititulohan og “Kinasing-kasing nga Pasalamat.â€
Bisan wala nila makuha ang mayoriya sa konseho apan na reelected gihapon si Cebu City Mayor Michael Rama ug nakadaog usab ang iyang running mate nga si outgoing Councilor Edgar Labella isip bise mayor batok kang incumbent Vice Mayor Joy Young.
Liboan sa mga supporters sa Team Rama ang mitambong nga gisugdan sa usa ka Santos nga Misa bisperas sa pista sa Our Lady of Perpetual Help ug gibendisyonan ang mga mananaog nga si Rama, Labella ug councillor- elect James Cuenco.
Diha usab sila si councilor-elect and outgoing Basak Pardo barangay captain Dave Tumulak, ug bisan na kadtong mga wala makadaog nga kandidato sa Team Rama lakip na si Atty. Aristotle “Totol†Batuhan, Tisha “Inday Tikay†Ylaya, ug Boobi Kintanar.
“Pasalamat ko sa akong mga supporters,akong paryente si Edu Rama, akong pamilya ug kaninyong tanan. Salamat sa katong tanang nibotar nako, sa katong wala nibotar nako ug sa katong nagpakaaron-ingnon nga mibotar nako,†pasiaw pa ni Rama.
Subli niyang gihimakak ang alegasyon diha sa electoral protests sa Bando Osmeña Pundok Kauswagan (BOPK).
Nagdumili hinuon si Labella sa pagkomento sa election protest sa iyang kaatbang.
Si Labella miangkong dunay mga residente ug silingan pa gyud niya sa Mabolo ang dayag kaayong mikampanya sa BOPK apan iyaha na silang gipasaylo. (BANAT NEWS)
- Latest
