Abellanosa wala mabalaka sa kasong gipasaka ni Batohan

CEBU, Philippines - Gipakagamay lang ni Congressman-elect Rodrigo Abellanosa ang gisang-at nga disqualification case sa iyang kaatbang niadtong niaging piniliay nga si Atty. Totol Batuhan gikan sa Team Rama.

Si Abellanosa nagkanayon nga maglisod na si Batuhan sa pagpataktak kaniya tungod kay nakapanumpa na siya ngadto kang Court of Appeals Justice Pampio Abarientos niadtong niaging semana.

 Dugang pa niya nga nakapirma na siya niadtong niaging Miyerkules sa opisyal nga lista sa mga miyembro sa House of Representatives nga mulingkod sa Hulyo 1.

Gitambagan hinuon niya si Batuhan nga angayang dawaton na lang ang kapildihan ug tahuron ang mandates sa katawhan. (BANAT NEWS)