Basurang plastic gihimong lingkuranan
CEBU, Philippines - Daghang panginabuhian ug ingon man pag-amping sa atong kalikupan sa tibuok Pilipinas ang buot ipadayon ni Senator-elect Cynthia Villar human gilunsad ang labing unang Waste Plastic Recycling Factory, diin mahimong lingkuran sa mga tunghaan ang mga plastic nga basura.
Matud pa ni Villar, kinsa nailhan nga "Misis Hanepbuhay" nga ang maong mga lingkuranan ginama gikan sa plastic nga basura molungtad ngadto sa 20 ka tuig.
Nagkanayon si Villar nga sa kadaghan sa mga plastic nga basura nga gipasagad lang og labay dako kini og kadaot nga mahimo sa kalikopan gawas pa sa katalagman bunga sa baha ug polusyon sa kadagatan.
"So we thought of processing these plastic wastes and come up into something useful," matud pa ni Villar.
Ang maong teknolohiya gikan sa Davao, gidala ni Villar sa Las Piñas City, ug gitukoran og pilot project sa Villar Foundation.
Matud pa ni Villar nga proud siya sa maong proyekto kay dili lang kini makahatag og panginabuhian sa mga kabos kay makatabang pa kini sa paglimpyo sa kalikupan.
“In processing the unavoidable plastic wastes into something useful, like school chairs, we are not only cleaning and protecting the environment, but we are, at the same time, providing livelihood to the poor – to the workers in the factory who are processing the wastes,†dungag pa ni Villar. (BANAT NEWS)
- Latest
