Sunog saTalisay 5 ka bay ugdaw
CEBU, Philippines - Lima ka balay ang naugdaw sa nahitabong sunog kagahapon sa buntag diha sa sitio Little Baguio, barangay Bulacao, dakbayan sa Talisay.
Hinuon walay gikataho nga naangol sa maong sunog.
Ang maong alarma sa sunog nadawat sa kabomberohan sa siyudad mga alas 8:45 sa buntag ug human sa tulo ka minutos nakontrolar dayon ang kayo.
Si SFO2 Ellen Aguilar mibutyag nga ang kayo naggikan kini sa balay ni Elizabeth Panal, 49, gikataho nga ang apo niini nagduwa og posporo nga giingong hinungdan sa sunog. Ang kayo dali kining mitapon sa silingang balay nga gipanag-iya ni Richel Panal, 21; Melchora Parba, 40; Henry Cabriana, 30 ug Marciano Pardoncillo.
Ang maong mga balay nga nasunog gama kini sa light materials hinungdan nga dali kaayong gikaon sa kayo. Gibana-bana nga mokabat ngadto sa P50,000 ang danyos sa maong sunog. (BANAT BALITA)
- Latest
