Santo Papa desididong mobisita sa Pilipinas–Palma
CEBU, Philippines - Si Cebu Archbishop Jose Palma nag-awhag sa tanang mga Katoliko sa pagpadayon sa pag-ampo nga mahinayon gyud ang pag-anhi sa atong Santo Papa Francis sa Pilipinas karung 2016.
Una nang giluwatan ni Palma nga giuswag na ang eskedyul sa 51st International Eucharistic Congress (IEC) dinhi sa Sugbo, gikan sa Mayo, gisibog kini sa ikatulong semana sa Enero 2016.
Kini human nakadawat si Palma og sulat niadtong Mayo 2, gikan sa IEC president on Pontifical Committee Msgr. Piero Marini nga misugyot nga isibog sa Enero ang maong kalihukan tungod sa kadaghan sa gimbuhaton sa Santo Papa.
Si Palma, nga mao pod ang pangulo sa Catholic Bishops Conference of the Philippines (CBCP), nagtuo nga ang maong sugyot nagpasabot nga interesado gyud ang Santo Papa nga moanhi dinhi sa Sugbo.
“Mao na among reading nga gusto gyud niyang (Pope) moanhi, kay the fact nga imung tan-awon kung dili siya ganahan, nganong ipa-adjust man, pero ingon nila sa consideration of the schedule of the Pope, medyo excited nami,†matud ni Palma. Tungod niining kalambuan, bawsan ni Palma og sulat ang IEC president nga uyon sila sa sugyot sa naulahi.
Una nang giluwatan ni Palma nga ang IEC sa Mayo 23-29, 2016 human siya motambong sa meeting sa Rome sa miaging buwan.
Dugang pa ni Palma nga ang IEC president ug ang iyang secretary, moanhi dinhi sa Sugbo karung Septiyembre para mag-ocular inspection sa gi-propose nga venue.
Alang ni Palma ang pagbisita sa Santo Papa dinhi sa Sugbo puhon, adunay dakong impact sa kinabuhi sa mga kristiyano ug sa atong pagtuo. (Marigold P. Lebumfacil/EIM) (BANAT BALITA)
- Latest
