Batan-on nalumos
CEBU, Philippines - Patay nang nahaw-as gikan sa dagat sa iyang mga barkada ang usa ka batan-on human kini nalumos sa lawom nga bahin sa kadagatan sa Sitio Harag , barangay Calabira dakbayan sa Toledo pasado alas-3 sa hapon sa nilabay’ng adlaw.
Ang nalumos giila nga si Justine Alquizar, 18, molupyo sa barangay Puting-Bato dakbayan sa Toledo.
Base sa imbestigasyon sa kapolisan sa Toledo nga gipangunahan ni SPO1 Benedicto Bobilles Jr., nangaligo sila si Alquizar ug mga barkada sa maong dapit, wala hinuon matino kung nag-inom ba ang grupo niadtong tungora.
Matud pa nga nakit-ang milangoy si Alquizar palawod ug pag-abot sa lawom nga bahin misawom kini sa ilawom apan wala na kini molutaw pa.
Matud pa ni SPO4 Carmelito Hornales sa kapolisan sa Toledo nga gikahinabi sa Banat News gisuwayan pa unta pagdala sa mga barkada si Alquizar diha sa Toledo City District Hospital apan gideklarar kining patay na. (BANAT NEWS)
- Latest
