4 ka polis gikiha nga mikiha og minor
CEBU, Philippines - Tungod sa pagpasaka og kaso nga walay Assessment of Discernment gikan sa Department of Social Welfare and Development (DSWD), upat ka polis sa Carmen Police Station ang nag-atubang karon og kaso sa Cebu Provincial Prosecutor’s Office.
Base sa complaint nga gi-file ni Eden Singson, iyang gisaysay nga usa ka violation sa Juvenile Justice and Welfare Act ang gibuhat sa kapolisan. Si Eden inahan sa 17- anyos nga gidakop sa kapolisan.
“I learned just yesterday, May 9, 2013, that Information was filed in court against my son, but in the Information, the minority of my son was not indicated and there was no Assessment of Discernment conducted by the DSWD,†matud pa sa iyang affidavit.
Matud niya bisan pa man nga nakahibalo ang mga polis nga minor ang iyang anak wala gyud gibutang sa complaint ang edad niini.
Ang gikiha mao sila si Senior Insp. Audie Pelayo, SPO3 Renerio Masocol Jr., PO3 Edgardo Papaya ug PO3 Ronald Nuñez.
Matud ni Eden sayo niadtong Mayo 5 gidakop iyang anak sa kapolisan apan nahibaw-an niya kini sa alas 9:00 na sa buntag.
Tungod kay wala siya’y kwarta, matod niya sa sunod adlaw na siya nakabisita sa iyang anak ug gihangyo niya ang mga polis nga ipagawas kini sa prisohan kay kini usa ka minor.
Apan matud pa nga gipangayoan siya’g P120,000 aron ilang buhian ang bata ug tungod kay wala siya’y kwarta giingong giingnan siya ni Masocol nga “ah prisohan na niya.â€
Apan si Masocol mihimakak sa pasangil. Matod niya nga niadtong Mayo 5 ilang gidakop ang batan-on tungod sa paglapas sa Commission on Election (Comelec) gun ban ug illegal possession of firearms. Matud niya nga ilang gi-background check ang dinakpan ug ilang nasuta gikan sa silingan nga legal age na kini. (BANAT NEWS)
- Latest
