Tomas di moangkong naparot

CEBU, Philippines - Si Kongresista Tomas Osmeña  dili pa moangkon sa iyang  kaparotan  batok ni Mayor Michael  Rama  sa milabay  nga  election  niadtong  Lunes.

Kini  luyo  sa  hingpit na  nga  pagka-proklamar  ni  Rama  isip  mayor  sa ika-duha  niining  termino  dinhi  sa dakbayan  sa Sugbo  niadtong  Martes.

 Sa  balita  sa TV Patrol Central Visayas, si Osmeña mibutyag nga nadawat na niya ang resulta sa maong piniliay apan kini mahitungod sa pagpanaot ni Rama ngadto sa media ug sa giingon niya nga pag-terrorize ni  Rama sa mga kapitan sa nagkadaiyang barangay ug ngadto sa katawhan.

Miingon  si Osmeña  nga  dili  ug  dili  gayud  siya  mo-concede kay  dili  siya  makatuo  nga  mapildi  siya  ni Rama  kinsa  usa   lang niya  ka   konsehal  kaniadto.

Gibutyag usab niya ang plano sa iyang kampo nga sa pagpasaka og   kiha batok  ni  Rama tungod sa giingon nga paggamit niini sa mga makinarya ug uban pa nga kahimanan nga gipanag-iya sa syudad atol  sa pagpangampanya niini  sa nagsingabot  ang  piniliay.

Mipadayag  usab  si Osmeña sa iyang kaluoy  sa katawhan sa syudad nga dili  kuno makatagamtam og kahayahay sulod sa administrasyon   ni Rama  kay alang  kaniya , “he is not capable” o  di  pa kaantigo  modumala  og katawhan  si Rama.

Dihang gipangayoan   siya  og  mensahe  alang  sa mayor, si Tomas nagdumili  paghatag  og  mensahe  alang kang  Rama.  (BANAT NEWS)