Gullas ug Bucao midawat sa kapildihan

CEBU, Philippines - Ang magpapatigayong si Johnny delos Reyes ug konsehal Romeo Villarante ang giproklamar sa City Board of Canvassers nga mananaog sa nakalabay nga piniliay sa Talisay City kagahapon.

Si Delos Reyes nga naila sa angga nga “JVR” milabaw og 736 nga botos batok sa beteranong si Kong. Eduardo “Eddiegul” Gullas nga nagpapiling mayor sa siyudad sa Talisay. Nakakuha si JVR ug 39,453 ka botos batok kang Gullas nga 38,717 ka botos.

Samtang si Villarante nakakuha og 27,231 ka botos kontra ni incumbent vice mayor Alan Bucao nga 27,972 ka botos.

Si City Prosecutor ug vice chairman sa City Board of Canvasser Marshall Rubia miingon nga sa 111,696 ka registered voters sa Talisay, 85,197 lang ang mibotar o 76.28 porsiyento.

Si Gullas isip usa ka beteranong magbabalaod ug politiko wala magmakuli sa pag-concede sa kapildihan.

Iyang gi-congratulate ang kaatbang ug gipasalamatan ang mga supporters nga mitabang kaniya.

Mipasalig usab siyang iyang tabangan ang mga bag-ong napiling opisyales sa siyudad sa mga proyektong buot nilang himuon. “I would like to extend my congratulations to the newly elected winners especially to newly-elect vice mayor Romy. I concede my defeat and a pure Talisaynon should accept the new mandate,” matud pa usab ni Bucao.

Si JVR mihulagway sa iyang kadaugan nga dakong kalamposan tungod sa kadako sa pangalan sa iyang nakaatbang. (BANAT NEWS)