Foreign observers nia sa Sugbu ugmang adlawa
CEBU, Philippines - Mga langyaw’ng International Election Observers nangabot dinhi sa nasud aron mag-obserbar sa dagan sa piniliay ugmang adlawa.
Ang Compact for Peaceful and Democratic Elections (COMPACT) mibutyag nga 30 ka mga foreign observers gikan sa ubang mga nasud ang ipakatap sa unom ka mga probinsya sa Pilipinas ugmang adlawa.
Ang mga lugar nga panid-an sa grupo mao ang Cagayan, Pampanga, Camarines Sur, Masbate, Cebu ug Autonomous Region of Muslim Mindanao (ARMM). Unom ka mga foreign observers gikan sa Denmark, U.S. ug Canada ang maniid sa piniliay dinhi sa Sugbu.
Si Arnold Tarrobago, COMPACT National Coordinator, miingon nga ang mga napiling lugar mao kadtong dunay mga init kaayong panagbangga sa mga inilang politiko.
“Our 2013 international election observers have shown great interest in monitoring iconic electoral contests between those that proclaim to be on the side of reforms and those that are widely associated with traditional and patronage poltics,†suma pa ni Tarrobago.
Ang 2013 International Observers Mission (IOM) gilangkoban sa parliamentarians, academics, kabatan-onan, student leaders, media organization ug leaders gikan sa foreign political parties ug NGO’s (Non Governmaent Organization) ug gitawag nga International Team Bantay ang mga Election observers. Ang langyaw nga gikan sa Denmark nga si Mayasarah Lohse, usa sa mga miyembro sa International Team Bantay, nanghinaut nga mamahimong malinawon ang adlaw sa eleksyon.
Human unya sa upat ka adlaw nga pagbisita sa Sugbo mamalik ang grupo sa Manila aron sa pagtuki sa mga positibo ug negatibong butang nga ilahang nabantayan ug nakita sa Sugbo. (Kristianne Marie Alcaria ug Queenee Anne Vidal,CNU Interns/EIM) (BANAT NEWS)
- Latest
