Apostol ug Pelaez nagkasumpaki
CEBU, Philippines - Nagkasumpaki sila si Deputy Ombudsman for the Visayas Pelagio Apostol ug Lapu-lapu City mayoralty candidate Efrain Pelaez sud sa buhatan sa Ombudsman tungod sa pagpasaka og kaso ni Pelaez batok sa maong opisyal ngadto sa Office of the President. Si Pelaez nga kaalyado ni Presidente Benigno Aquino misang-at og kasong kriminal ug administratiba nga gross inefficiency ug gross neglect of duty batok ni Apostol tungod sa alegasyong nagmika ang naulahi sa mga gipasakang kaso ni Pelaez batok sa karibal niya sa politika nga si kanhi Lapulapu City mayor ug karon Congressman Arturo Radaza.
Usa na niini ang giingong “ghost employees†ug “ghost payroll†ug kalapasan sa Republic Act 9003 o Ecological Solid Waste Management Act.
Apan gihimakak kini ni Apostol tungod kay matud niya tanang gipasakang kaso ni Pelaez gitrabaho gyud sa Ombudsman.
Gihulagway ni Apostol nga ang gihimo ni Pelaez pangdaot lang sa imahe sa Ombudsman ug pagguba sa “trust and confidence†sa maong buhatan.
Apan si Pelaez mitubag nga wala na gyud siyay salig ni Apostol. Karon lang usab niya nahibaw-ang giaksyonan diay ang iyang mga reklamo.
Si Apostol mihatag og dokumento sa media nga nagpakitang giaksyonan tanan sa Ombudsman ang 16 ka nagkalain-laing kaso nga gipasaka ni Pelaez sa nagkalain-laing mga tawo.
Si Apostol mibahad nga nagplano siyang mopasaka og kaso aron makakuha og danyos perwisyo (damages) gikan ni Pelaez. Si Pelaez miingon nga andam niyang atubangon ang maong kiha. (Mylen Manto ug Kristianne Marie Alcaria, CNU Intern/EIM)
(BANAT NEWS)
- Latest
