Nanangtang sa ilang mga posters

CEBU, Philippines - Gipangunayan ni incumbent Lapulapu City Mayor Paz Radaza ang pagpangibot ug pagtangtang sa mga campaign materials nga anaa sa kadalanan sa dakbayan sa Lapulapu kagahapon sa buntag. Matud pa ni Radaza daghan ang nangreklamo bahin sa mga campaign materials nga gipamutang sa dili designated poster areas sama sa mga kakahoyan ug mga kural sa Brgy. Canjulao ug Brgy. Looc dakbayan sa Lapulapu.

Kagahapon sa buntag uban ni Aileen Radaza ang kandidato pagka Kongresista sa dakbayan sa Lapulapu ug Bise Mayor Marcial Ycong ug sa mga kandidato pagka konsehal nanangtang sa ilang kaugalingong campaign materials nga wala gipamilit sa dili hustong lugar.

Aron dili mapasanginlang nanghasi o namolitika wala nila panangtanga ang mga campaign posters sa mga kaatbang ug bahala na silang manubag niini ngadto sa Comelec. (BANAT NEWS)