Signal Jammers nasakmit sa tindahan
CEBU, Philippines - Pipila ka adlaw sa dili pa moabot ang adlaw sa piniliay, mitumaw na usab ang isyu mahitungod sa “signal jammer†nga gikabalak-an posibleng gamiton pag-sabotahe sa eleksyon pinaagi sa pag-jam sa transmission sa resulta gikan sa PCO’S Machine (Presinct Count Optical Scan) ingon man sa mga cellular phone.
Si Jesus Laureno, regional director sa NTC (National Telecommunication Commission) mibutyag nga aduna silay gisakmit nga mga baligya nga signal jammers diha sa dalan Manalili ning dakbayan ning uwahing semana sa buwan sa Marso ug dayon entrada sa Abril.
Matud ni Laureno ang signal jammer daling mailhan tungod kay susama ra kini og dagway sa internet router apan imbes usa ka antenna, upat ang naa niini. Samtang gihulagway ni Provincial Election Assistant Arthur Patiga nga siyento porsiyento nang andam ang Comelec sa umaabot nga eleksyon sa Mayo 13.
Mibutyag usab si Patiga nga ipahigayon karong umaabot Mayo 8 ang final testing ug sealing sa mga PCO’S (Presinct Count Optical Scan) Machines.
Sa laing bahin, mopatuman usab ang Comelec og Liquor Ban sugod karong Mayo 9 hangtud sa adlaw sa piniliay nga makaingon unya sa pagmugna og kagubot. (/EIM) (BANAT NEWS)
- Latest
