Liboan ang mitambong sa Unity For LIFE Prayer Rally
CEBU, Philippines - Liboan ka mga pro-life advocates gikan sa nagkadaiyang parokya sa Sugbu ug mga relihiyosong pundok ang mitambong sa Unity For LIFE Prayer Rally kagabii diha sa Plaza Independencia sa siyudad sa Sugbu.
Diha sa maong rally ang mga pro-life national ug local candidates nga gi-endorsar sa maong grupo sama nila ni Kongresista Eduardo Gullas kinsa modagan sa pagka-mayor sa Talisay City, apo niya nga si Samsam Gullas kinsa modagan sa pagka-kongresista sa First District.
Ang Lay Initiatives for Elections (LIFE) 2013 mi-endorsar usab nila ni Kong. Pablo Garcia (second district); governor Gwendolyn Garcia (third district); Benhur Salimbangon (fourth district); Ace Durano (fifth district); Luigi Quisumbing (sixth district); Aileen Radaza (Lapulapu lone district) ug Raul Del Mar (Cebu City north district).
Diha usab sila si reelectionist Mayor Michael Rama (Cebu City) kinsa uban ni konsehal Edgardo Labella nga nagpapili isip bise mayor, giendorso usab.
Diha usab ang gi-endorsar sa pagkasenador nga sila si Senador Aquilino Pimentel ug San Juan City Mayor Joseph Victor "JV" Ejercito Estrada; kanhi Las Piñas Representative Cynthia Villar; kanhi Senador Miguel Zubiri; kanhi senador Richard Gordon; Christian Señeres ug ang ubang girepresentahan sa ilang kabanay.
“It is no secret that I am pro-life. I am not in favor of the RH Law. I am against divorce, and same sex marriage as well as abortion and mercy killing,†matud pa ni Villar kinsa usa sa mitambong sa rally. Samtang si JV Ejercito Estrada miingon nga dako matabang sa iyang kandidatora ang pag-endorsar kaniya sa LIFE.
Matud pa ni Dr. Rene Josef Bullecer, ang country director sa Human Life International-Philippines nga daghan nang mga pro-life nga pulitiko ang andam moduso og usa ka balaudnon alang sa pag-repeal sa Reproductive Health Law.
Si ANAD partylist Rep. Pastor Alcover nagkanayon usab siya ang mo-sponsor sa maong balaudnon kay para niya importante gyud ang kinabuhi sa tawo. (BANAT NEWS)
- Latest
