8-anyos naunay sa giduwaang armas

CEBU, Philippines - Usa ka 8-anyos nga bata ang samdan sa tuong batiis niini human maunay sa .22 nga revolver nga iyang giduwaan niini niadtong Domingo sa gabii sa Barangay Tonggo, San Fernando.

Giingong nakit-an ni James Brian Tapere ang maong revolver sulod sa ilang balay ug giduwaan human kini magtuo nga duwaan kini apan nakablitan ang trigger hinungdan sa pagbuto niini ug naigo ang batiis.

Daling gidala sa Carcar Provincial Hospital ang biktima. Matud ni Sr. Insp. Gerard Ace Pelare, hepe sa San Fernando Police Station, nga diha ra sa balay makit-i ang armas apan gihimakak kini sa ginikanan sa bata.

“I-prove sa namo daan if ilaha ang armas anha na musulod ang negligence sa part sa family,” matud ni Pelare. (BANAT NEWS)