90% sa nakalas sa motorsiklo way helmet— DOH
CEBU, Philippines - Siyam sa matag napulo sa mga nangamatay tungod sa aksidente sa motor ang wala magsuot og helmet atol sa aksidente sumala pa sa pagtuon nga gihimo sa Department of Health.
Ang maong gidaghanon matud pa sa report sa GMA News.Tv gibase sa Online National Electronic Injury Surveillance System (ONEISS) sa last quarter sa tuig 2012.
Sa maong tuig dunay 13,883 ka mga injury cases nga natala sa ONEISS gikan sa 86 ka pribado ug pangpublikong tambalanan sa last quarter of 2012.
Sa maong panahon katunga sa mga aksidente sa motorsiklo naglambigit sa mga riders nga nag-edad gikan 20-59 anyos. Samtang ang mga injuries sa mga bata nag-edad 0-19-anyos miabot og 34.7 percent.
Matud pa sa DOH nga 25 ka mga lalaki sa kada napulo ka babaye o 25-to-10 ratio ang mga naaksidente.
Ang Central Luzon maoy dunay labing daghang reported injuries (19.3 percent); Metro Manila (14.8 percent); Cordillera (12.6 percent); Davao (11.7 percent); Cagayan Valley (10 percent); Northern Mindanao (6.6 percent) ug Western Visayas (6.5 percent).
“In order to reduce or avoid injuries, the DOH recommends the promotion of 'safety first' mindset and attitude,†matud pang Health Secretary Enrique Ona. (BANAT NEWS)
- Latest
