‘Kawatan’ gisud sa balay gipatay

CEBU, Philippines - Nabuslot ang bagol-bagol sa usa ka giingong notadong kawatan nga gipusil patay sa wala mailhing mamumuno samtang kini natulog sulod sa panimalay niini kagahapon sa udto sa Barangay Ibo, Danao City.  Patay diha-diha si Jumar Trinidad Mejia, 25, human kini makaangkon og samad pinusilan sa ulo samtang natulog anang ala 1:25 sa hapon kagahapon. Daling gidala ang biktima sa Danao Provincial Hospital apan gideklarar kini nga dead on arrival. Nakuha sa crime scene ang upat ka kabhang sa .45 nga pistola. Matud ni SPO2 Ildefonso Prosia, desk officer, nga nagsulod ug gawas na sa prisohan si Mejia tungod sa mga kasong pagpangawat apan kanunay lang makagawas tungod kay walay mipasaka og kaso sa mga reklamante. “Ang inahan na gani mismo ang gaingon nga adik iyang anak,” matud ni Prosia. (Ria Mae Booc/EIM) (BANAT NEWS)