Villar mihangop pag-endorsar kaniya sa Lakas

CEBU, Philippines - Gihangop ni Team P.Noy senatorial candidate ug kanhi kongresista sa Las Piñas Rep. Cynthia Villar ang pag-endorso kaniya sa Lakas-Christian and Muslim Democrats (Lakas-CMD).

Nanghinaot si Villar nga ang 16th Congress mahimo nang "bipartisan approach" para sa mga reporma ni Presidente Benigno Aquino III sa sunod nga tulo ka tuig.

Matud pa ni Villar, nga ang mga political parties, bisan naa sa  administrasyon o sa opposition, angayan nga ipadaplin ang political differences ug hangupon ang bipartisan approach alang sa pagkunhod sa kakabus, pagmungna og dungag nga trabaho ug paghatag sa mga basic services ngadto sa katawhan.

“I am grateful and humbled by the endorsement extended by the Lakas-CMD to my candidacy and I will do my best to live up to their expectations when I am given the chance to serve in the Philippine Senate,” matud pa ni Villar, kinsa nailhan nga "Misis Hanep Buhay".

Dako ang pagsalig ni Villar nga ang pag- endorso sa iyang kandidatura, bunga kini sa iyang mga adbokasiya alang sa mas maayong programa sa goberno. (BANAT NEWS)