37 ka kandidato gipadad-an og notisya sa COMELEC
CEBU, Philippines - Mipagawas og mga notice ang Comelec batok sa 37 ka mga kandidato sa Sugbu alang sa umaabot nga piniliay tungod sa paglapas nila sa second paragraph sa Section 17 sa Resolution No. 9615 nga mao ang Rules and Regulations Implementing the Fair Elections.
Kini kabahin sa pagpataka og pamutang sa mga campaign materials sa mga pampublikong dapit sama sa mga dalan, waiting shed, poste, flyovers, taytayan, center islands sa dalan, barangay hall, health center, public structures, eskwelahan, pier, estasyon sa bus ug uban pa.
Ang mga kandidato nga gihatagan og notisya sa Comelec kagahapon mao ang Bakud Party, One Cebu Party ug PMP party.
Ang mga kandidato gikan sa Poro, Tudela, Dalaguete, San Remegio, dakbayan sa Talisay, Dumanjug, Pilar.
Sa pakighinabi sa Banat News ni Atty. Eddie Aba, hatagan ang matag kandidato og tulo ka adlaw aron ilang panangtangon ang mga posters nga gipangreklamo ug kun magmagahi sila, ipasa nila ang kaso didto sa Law Department sa Comelec aron didto na sila manubag niini. (BANAT NEWS)
- Latest
