Hagedorn: Kalikupan atimanon ug sustinuhon
CEBU, Philippines - Daghang mga balaod kabahin sa kalikupan nga wala maimplimentar ug kini angay nga bisitahon aron kini mapatuman.
"Less than one percent of our environmental laws remain unimplemented. There is no need to make more laws on this. Let us not waste money in making more laws," matud pa ni Puerto Princesa Mayor Edward Hagedorn sa press conference gahapon dinhi.
Matud pa ni Hagedorn, kinsa ang labing unang Hall of Fame awardee isip Cleanest and Greenest City in the Philippines nga sa iyang lugar daghan sa mga balaod sa kalikupan ang iyang giimplementar.
Aron sa pagpalambo sa lokal nga ekonomiya sa iyang lungsod, gigamit ni Hagedorn ang "environmental protection" isip "core driving force" sa iyang mga proyekto ug programa.
Gumikan sa iyang mga adbokasiya alang sa "ecological progress" ang Puerto Princesa nahimo karong usa ka progresibong siyudad nga adunay limpyo ug himsog nga kalikupan, nga buot niya buhaton sa nasud kun palaron nga mahimo siyang senador karong umaabot nga piniliay.
"If we want sustainable development we can concentrate on tourism and agriculture. Mining will bring a lot of money and employment but it is all temporary. If all the resources are exploited nothing is left, but real progress will come from the protection of the environment," matud pa ni Hagedorn.
Si Hagedorn dinhi sa Sugbo kagahapon alang sa iyang duha ka adlaw nga campaign caravan.( /EIM) (BANAT NEWS)
- Latest
